Моите Услуги
Јас сум Леа - Твојот водич за семејно системско советување
Во Дома со Леа, јас, Леа Ризаова, сум посветена да им помагам на луѓето, на паровите, како и на семејствата да се справат со комплексноста во односите, комуникацијата и емоционалните предизвици. Мојата цел како семеен системски коуч во едукација, е да помогнам во водењето и зајакнувањето на оние кои сакаат рамнотежа и јасност во сопствениот живот.
Семејното системско советување го нагласува разбирањето на деталната динамика на семејните односи, промовирањето здрава комуникација и ефикасното решавање на конфликтите.
Мојот специфичен пристап е целосно персонализиран по својата природа. Ова обезбедува сигурност дека секоја сесија е прилагодена на специфичните потреби на клиентите. Верувам дека секој поединец и секое семејство има свој потенцијал, кој, кога се негува, може да доведе до значајни промени и раст. Преку заедничка работа ќе ги истражиме индивидуалните мисли, личните емоции, како и блиските односи. Тоа ќе ти помогне да изградиш здрави комуникациски обрасци и стратегии за поефикасно да управуваш со животните предизвици.
Што ти нудам
Индивидуално советување
Создади безбедно место за самоистражување, каде што секој разговор е ослободен од стигма и осуда. Со ентузијазам и целосна поддршка, твојот семеен системски коуч ќе те води на патот кон подобро разбирање на себе и твоите одлуки.
Разбирањето како влијаеле на тебе системите во кои припаѓаш ти дава моќ да носиш животни одлуки, слободни од условености, и усогласени со твоите визии за иднината.
Советување за парови
Вашата љубов и блискост имаат живототворна енергија. Пристапувањето на проблемите меѓу партнери од системска перспектива може да го открие потенцијалот кој ќе го подигне квалитетот на вашата врска.
Јас работам на отварање на нови перспективи за вашата актуелна ситуација, додека вие заедно работите на креирање на иднина полна со љубов и среќа.
Семејно советување
Што ако проблемот со кој се соочува твојот близок може да се реши преку заедничка посета на советување? Семејната динамика има огромен потенцијал за трансформација кога се истражува под водство на стручен системски советник.
Истражувањето на взаемните влијанија и мудростите од претходните генерации ќе ти помогне да најдеш пат до подобро утре, со целосно разбирање и поддршка.
Чувствуваш дека ти треба промена
во твојот живот но не знаеш
од каде да започнеш?
Со помош на системското советување се стремам да понудам структуриран и емпатичен простор каде што можеме заедно да ги истражуваме предизвиците и решенијата.
Мојот пристап вклучува:
Идентификување на клучните емоционални и релациски обрасци.
Истражување на нови перспективи
и практични стратегии.
Работа кон значаен личен раст
и развој на односите.
Создавање поддршка, отворен простор за саморефлексија
и промени.
